Samsung Galaxy S8 ilə bağlı ilk məlumatlar

Təqdim olunmasına hələ uzun müddət qalmasına baxmayaraq Samsung Galaxy S8 haqqında ilkin məlumatlar əldə olunub.Technote.az-ın məlumatına görə,Galaxy S8 haqqında bu günə qədər kiçik məlumatlar gəlsə də, heç biri indi olan iddia qədər dəqiq deyildi. Wccftechsaytının çinli mənbələrə əsasən yayınladığı hesabatda Samsung Galaxy S8-də 2 kamera yer alacaq. İki kamera modulu isə böyük ehtimalla Samsung Motors (Semco) tərəfindən istehsal olunacaq. Keçən il, iNews 24 və digər mənbələrdə yayımlanan məlumatlarda isə Samsung-un bu modul üzərində çalışdığı iddia edilmişdi. Bundan əlavə rəqəmsal kamera və lens istehsalçısı Altek-in rəhbəri Alex Hsia iki kamera modul sisteminin ağıllı telefonlara qısa zaman ərzində gələcəyini bildirmişdi. Analtiklərin fikrincə isə önümüzdəki illərdə bir çox şirkət iki kamera moduluna keçid alacaq. Əldə olunan məlumatlara əsaslansaq Smasung Galaxy S8-də iki kamera modulunun olacağı mümkün görünür.

Gələk, hesabatın ikinci maraqlı hissəsinə. VR-ın artan populyarlığından sonra Samsung Galaxy S8-də 4k ekran gözlənilir. Belə bir ekran sözsüz ki, enerjini yeyib bitirəcək. Əgər bu iddia doğru olarsa, sözsüz ki, Samsung Galaxy S8-də daha böyük batareyadan istifadə olunacaq. Az enerji istifadə edən Snapdragon 830 çipi ilə batareya ömrünün balanslaşdırılması mümkün kimi görünür. Hələlik dünya mediasında olan Samsung Galaxy S8 haqqında məlumat bu qədərdir. Yeni məlumatlar olduqca sizlərlə paylaşacağıq.