“Samsung” şirkəti reklam materiallarında ilk dəfə olaraq yeni Galaxy S seriyalı smartfonları rəsmi olaraq qeyd edib və gələcək yeni məhsulların premyera tarixini açıqlayıb. Eyni zamanda şirkət bu dəfə eyni anda üç deyil, dörd markalı cihazı nümayiş etdirəcəyinə eyham vurub.
Galaxy Unpacked premyera tədbiri 22 yanvar Bakı vaxtı ilə saat 21:00-da baş tutacaq. Rəsmi tizerdə S25 brendi olmasa da, brend öz press-relizində “yeni Galaxy S seriyası” ifadəsi ilə ona açıq şəkildə işarə edir. Dörd qurğunu göstərən renderə əsasən, Samsung çox güman ki, S25, S25+, S25 Ultra və S25 Slim modellərini təqdim edəcək. Təqdimat zamanı şirkətin yeni məhsulların süni intellekt funksiyalarına diqqət yetirəcəyi də gözlənilir.
