Bu həftə məlum oldu ki, “Samsung Galaxy S22” smartfonları ilə oyun oynayarkən performansında azalma müşahidə olunur. Bu, performans və cihazın avtonomiyası arasında tarazlıq yaratmağa kömək edən Oyun Optimizasiyası Xidməti ilə bağlıdır.»ICTinfo.az» «3dnews.ru» resursuna istinadən bildiri ki,indi məlum olub ki,»Samsung» şirkətin smartfonlarındakı oyunlarda performansın aşağı düşməsi ilə bağlı problemi həll etməli olan düzəliş təqdim etməyə hazırlaşır.
Məlumatlara görə, cihazın performans səviyyəsini və batareyanın ömrünü optimallaşdırmaq üçün oyunlarla yanaşı GOS xidməti də işə salınmalıdır. Məlum olub ki, optimallaşdırılacaq proqramların siyahısına təkcə oyunlar deyil,»Microsoft Office» və «YouTube» kimi müxtəlif proqramlar da daxildir. Bundan əlavə,»GOS Samsung»-un bir çox özəl proqramlarını, o cümlədən «Samsung Cloud»,»Samsung Pay»,»Samsung Pass» və «Dialer»-ı optimallaşdırır.Əslində, məlum olur ki, «Samsung» daha yaxşı enerji səmərəliliyinə nail olmaq və enerji idarəetməsini optimallaşdırmaq üçün «Snapdragon 8 Gen 1» və ya «Exynos 2200» prosessorlarının bəzi performanslarını bilərəkdən bloklayır. Maraqlıdır ki, GOS xidməti cihaz parametrlərində söndürülə bilməz, bunun üçün üçüncü tərəf proqram təminatı tələb olunur.
«Samsung» istifadəçinin narazılığına gözlənildiyi kimi cavab verdi və hal-hazırda düzəlişin hazırlanmasının davam etdiyini bildirdi. Şirkət qeyd edib ki, müvafiq yeniləmə tezliklə ictimaiyyətə təqdim olunacaq. Onu quraşdırdıqdan sonra istifadəçilər oyunlarla qarşılıqlı əlaqədə olarkən müstəqil olaraq performansa üstünlük verə biləcəklər. Yeniləmənin işə salınması üçün daha dəqiq tarixlər açıqlanmayıb.
