Samsung Android 15 və One UI 7-nin buraxılmasından əvvəl Galaxy S21 xətt smartfonları üçün yeniləmə siyasətini dəyişdi.Bu cihazların sahibləri yeni proqram təminatı almağa davam edəcəklər, lakin bu, daha az tez-tez baş verəcək.
Galaxy S21 seriyası dörd əsas əməliyyat sistemi yeniləməsi və beş illik təhlükəsizlik yamaları vədi ilə 2021-ci ilin əvvəlində satışa çıxarılıb. Smartfonlar Android 11 əməliyyat sistemi ilə buraxılıb və Android 15-ə yeniləmə onlar üçün sonuncu olmalıdır. Bununla belə, onlar hələ bir il təhlükəsizlik yamaları almalıdırlar.
Samsung-un saytına görə, Galaxy S21 seriyası artıq aylıq təhlükəsizlik yeniləmələrini almayacaq. Bunun əvəzinə şirkət onlar üçün rübdə bir dəfə — ildə dörd dəfə yamaqlar buraxmağa başlayacaq. Smartfonlara tam dəstək 2026-cı ilin yanvarında başa çatacaq.
Dəyişikliklər Galaxy S21, S21+ və S21 Ultra modellərinə təsir edir. 2022-ci ilin yanvarında buraxılan Galaxy S21 FE daha bir il təhlükəsizlik yamaları alacaq. Xatırladaq ki, Galaxy S24 seriyasından başlayaraq, Samsung flaqmanları 7 il qabaqda ƏS və təhlükəsizlik yeniləmələri ilə təmin olunur.
