“Samsung Electronics” şirkəti öz gələcək lideri “Galaxy S10″-un düz ekrana birləşdirilmiş barmaq izlərinin skaneriylə təchiz edəcək.”ICTinfo.az” “Ferra” resursuna istinadən yazır ki, bundan əvvəl “Galaxy Note 9” smartfonunun şirkətin barmaq izi skaneri ekrana quraşdırılan ilk qurğusu olacağı barədə məlumat verilmişdi.Ancaq indi məlum olur ki, belə sensorun növbəti ildə yalnız “Galaxy S10” smartfonunda quraşdırılacaq. Gözlənilir ki,“Samsung” optik həllərlə müqayisədə daha dəqiq ultrasəsli ekran sensoru hazırlayır.
Məlumata görə, yubiley “Galaxy S10” və “Galaxy S10+” smartfonları “Beyond” daxili kod adı ilə qeydiyyatdan keçib. Xatırladaq ki, “Galaxy S9” modeli buraxılmamışdan əvvəl “Star”, “Galaxy S8” isə “Dream” adlanıb.
Smartfonların 5,8 və 6,3 düym diaqonallı “Infinity Display” ekranlarla təchiz ediləcəyi gözlənilir. Bundan başqa, sifətin daha yaxşı tanınması üçün “3D” kamera əlavə oluna bilər.
“Samsung Galaxy S10” və “Galaxy S10+” smartfonlarının yanvarın 8-11-də Las-Veqasda keçiriləcək “CES 2019” sərgisində nümayişi planlaşdırılır.
