Deyəsən, Samsung Galaxy Ring smart üzüyünün xüsusiyyətlərini genişləndirməyi planlaşdırır. Şirkət bu yaxınlarda istifadəçi jestləri əsasında qurulmuş qadcet üçün təkmilləşdirilmiş funksiyalar toplusunu təsvir edən yeni patent ərizəsi təqdim edib.
WIPO-nun dərc etdiyi yeni sənədə əsasən, üzük planşet və ya noutbuku idarə edə, məsələn, onların arasında faylları ötürə biləcək. Bütün qurğular, o cümlədən Galaxy Ring, birlikdə işləmək üçün eyni simsiz şəbəkəyə qoşulmalı olacaq.
Sənədi müşaiyət edən illüstrasiyalar onu deməyə əsas verir ki, noutbuk və planşetlərin ön kameraları üzüyü izləmək üçün istifadə edilə bilər. Patent həmçinin iki qadceti bir üzükdən istifadə edərək bir iş sahəsinə birləşdirməyə işarə edir, baxmayaraq ki, söhbət nədən getdiyini izah etmir. Yeni Galaxy Ring funksiyalarının buraxılması üçün mümkün müddət məlum deyil.
