Yeni «Galaxy Note 9» smartfonunun nümayişinin iyul ortalarında, satışının isə avqust ayının əvvəllərində olacağı planlaşdırılırdı. Ancaq gözlənilmədən nümayişin təxirə salınmasına qərar verilib.
«ICTinfo.az» «vistanews.ru» resursuna istinadən bildirir ki,»Samsung»-un vitse prezidenti Li Çe-Yun mühəndislərdən ən qısa müddətə dəyişikliklər etməyi tələb edib.Bildirilir ki,vitse-prezident «Oppo» və «Vivo» müəssisələrinə baş çəkdikdən sonra nəticəyə gəlib ki,Çin şirkətləri ilə rəqabət apara bilməyəcək.Buna səbəb «Samsung»-un smartfonun ekranının 0,5 millimetr qalınlıqda hazırlamağa imkanının olmaması bildirilir.Bu səbəbdən də ehtimal edilir ki,yeni «Galaxy Note 9»-nin buraxılışı «Apple»-ın qurğularının təqdimatı ilə eyni vaxta,yəni sentyabr ayında olacaq.
Qeyd edilir ki, belə dəyişikliklər telefonun istifadəyə verilməsini yalnız bir neçə həftəyə ləngiməsinə gətirib çıxarmayacaq, həm də qurğunun qiymətini yüksəldəcək.
Bundan əvvəlki məlumatlara görə, «Crown» kod adlı «Samsung Galaxy Note 9» smartfonu qabaqcıl «Galaxy S9» və «Galaxy S9+» modelləri kimi «Infinity Display 2.0» displeyinə malik olacaq. «S-AMOLED» ekran texnologiyasını və 18,5:9 tərəf nisbətlərini qoruyacaq «Galaxy Note 9» modeli «Samsung» şirkətinin barmaq izi skanerinin ekrana inteqrasiya olunduğu ilk smartfonu ola bilər.
Bildirilir ki, qurğunun aparat əsasını buraxılış regionundan asılı olaraq «Exynos 9810» və «Qualcomm Snapdragon 845» prosessorları təşkil edəcək. Əvvəlki model kimi, «Galaxy Note 9» smartfonu 6 və 64 giqabaytlıq operativ, 128 və ya 256 giqabaytlıq quraşdırılmış yaddaş variantlarında buraxılacaq.
