Danimarkanın “Galaxy Club” portalının sənaye mənbələrinə istinadən verdiyi məlumata görə, şirkət “Galaxy A70” seriyalı smartfonlarını dövriyyədən çıxarmaq niyyətindədir. Bundan əlavə, insayderlər flaqman «Galaxy S»-nin «fan» versiyalarının buraxılmasının mümkün dayandırıldığını elan ediblər.
Mənbənin sözlərinə görə,“Galaxy A70” xəttinin yeni nümayəndələri haqqında hər hansı məlumatın olmaması “Samsung” smartfonlarının çeşidinin dəyişməsindən xəbər verir. Xüsusilə, heç bir etibarlı mənbə «A73»-ün varisini qeyd etməyib, baxmayaraq ki, cari buraxılış dövrünə görə, qadcet 2023-cü ilin martında bazarda görünməlidir.
İnsayderlər təklif edirlər ki, əgər buraxılışa 3,5 ay qalmış smartfon haqqında heç nə məlum deyilsə, o, sadəcə olaraq mövcud deyil. Bu nəzəriyyə, şirkətin A73 modelini təqdim etdikdən sonra satmağa başladığı ölkələrin sayının azalması ilə də dəstəklənir.
Mənbə “fan” seriyası ilə bağlı oxşar nəticəyə gəlib, çünki şəbəkədə «Galaxy S22 FE» və ya «S23 FE» haqqında da məlumat yoxdur. Onların istehsalının dayandırılması halında, analitiklərin fikrincə, Samsung smartfonlar kataloqunda «A54» və «S23″ modelləri arasında böyük boşluq yaranacaq. Şayiələrə görə, istehsalçı boşluğu doldurmaq üçün Galaxy S22-nin qiymətini azalda bilər.»Samsung» nümayəndələri insayder nəşrlə bağlı rəsmi açıqlama verməyiblər.
