Insayder OnLeaks hələ təqdim edilməyən «Samsung Galaxy A34»-ün bəzi xüsusiyyətlərini yayımladı. Məlum olub ki, orta qiymət kateqoriyasına aid cihaz qarşıdan gələn qabaqcıl «Galaxy S23″-ün versiyalarından birinin dizayn elementlərindən bəzilərini götürəcək.
Renderlər və videolarda korpusun yuvarlaq kənarları və parlaq arxa paneli göstərilir. Mənbəyə görə,»Galaxy A34»-ün ölçüləri 161,3 x 77,7 x 8,2 mm, ekran diaqonalı 6,5 düym təşkil edəcək.Matrislərin istehsal texnologiyası və təsvir ölçüsü haqqında məlumat yoxdur, lakin çox güman ki, smartfon «Galaxy A33 5G» modeli kimi sAMOLED displeylə təchiz olunacaq. Hələlik buraxılış tarixi ilə bağlı məlumat yoxdur. Galaxy A34-ün 2023-cü ilin birinci yarısında 350 dollara qədər bazara çıxacağı şayiələr var.
