2015-ci ilin nəticələrinə görə, Cənubi Koreyanın “Samsung Electronics” şirkəti planşet və smartfonlar üçün “Exynos” modelli çipsetlərin istehsalına görə dünyada 4-cü yeri tutub. “vistanews.ru” saytının məlumata görə, ötən il 50 milyon ədəddən artıq çipset satılıb və çipset satışından şirkətin gəlirlərinin 42 faizi formalaşıb. Bununla “Samsung Electronics” şirkəti “Apple” korporasiyasını 2 dəfə qabaqlayır. “Apple”ın ötən il ərzində gəlirlərinin 21 faizi isə prosessor istehsalından əldə olunub.
Təkcə bu faktı xatırlamamaq mümkün deyil ki, şirkət “Huawei”, “AllWinner” kimi daha tanınmış rəqib şirkətləri qabaqlayıb. Həmçinin siyahının başında olan “Qualcomm” şirkətini arxada qoyub. Bu şirkətlərin satış bazarı sərt rəqabət səbəbindən xeyli azalıb.
Skeptiklər şirkətdəki bu prosesi təkcə platformanın populyarlığının artması ilə deyil, həmçinin “Exynos” modelli çipsetlərdən istifadə olunan orta və başlanğıc səviyyəli smartfonların istehsal tirajının artması ilə əsaslandırırlar. Çünki bu gün istehsal olunan smartfonlarda istifadə olunan prosessorların 15 faizdən çoxu məhz “Samsung” şirkətinə aiddir.
