«Samsung» gələn il yanvar ayında «CES 2022» sərgisində «Galaxy S21 FE» smartfonunu rəsmi olaraq təqdim edəcək.
«Galaxy S21 FE» 5-8 yanvar 2022-ci il tarixləri arasında Las-Veqasda keçiriləcək CES sərgisində təqdim olunacaq. Qeyd edək ki, insayder Con Prosser daha əvvəl bu modelin yanvarın 11-də satışa çıxacağını bildirmişdi, ona görə də SamMobile tərəfindən verilən elan tarixi düzgün ola bilər.
«Galaxy S21 FE»-nin 120Hz yeniləmə tezliyi ilə 6,4 düymlük AMOLED displey, 32 meqapiksellik selfi kamerası, 12 meqapiksellik əsas kamera və 25 Vt-a qədər sürətli doldurma dəstəyi ilə 4500 mAh batareya alacağı gözlənilir.
