Samsung-un top meneceri Won Joon Choi CNN müxbiri ilə şirkətin geyilə bilən cihazlar sahəsində mümkün yenilikləri haqqında məlumat paylaşıb. O, həmçinin şirkətin hansı smart assistent konsepsiyasını dominant hesab etdiyini və ona uyğun olaraq hansı cihazların standart hesab edildiyini də açıqlayıb.
Won Joon Choi icraçı vitse-prezident və Samsung-un mobil bölməsinin tədqiqat və inkişaf şöbəsinin rəhbəridir. Onun sözlərinə görə, süni intellekt insanı istənilən problemi həll etmək üçün smartfonu çıxarmaq zərurətindən azad edəcək “yeni cihazlar dalğası” üçün əsas ola bilər.
«Biz inanırıq ki, bu, geyilə bilən, daim narahat olmağa və əlinizdə gəzdirməyə ehtiyac olmayan bir şey olmalıdır. Beləliklə, bu, özünüzə taxdığınız bir şey ola bilər: eynək, sırğalar, saatlar, üzüklər və bəzən boyunbağı»- Won Joon Choi bidirib.
Samsung top meneceri insanın özü ilə götürdükləri ilə həmişə yanında olanlar arasındakı fərqə istinad edir. Məsələn, sırğalar həmişə yanlarında olduğu halda, telefonu onlarla götürmək lazımdır. Lakin hələlik şirkət bu cür cihazların istehsalı ilə məşğul deyil, “bütün mümkün variantları nəzərdən keçirir”. Şirkət nümayəndəsi bildirib ki, eynək üzərində işləyirlər. Eyni zamanda, o, etiraf edir ki, heç də bütün insanlar xarici görünüşlərini dəyişdirdikləri üçün eynək taxmaq istəmirlər. Top-menecer onu da qeyd edib ki, “Samsung” bu cür aksesuarları smartfonların tam əvəzlənməsi deyil, əlavəsi hesab edir.
