Cənubi Koreyanın “Samsung” şirkəti smartfonları üçün inqilabi yenilik sayılan “ağıllı” çexollar hazırlayacaq.Belə ki,ABŞ Patent və Əmtəə Nişanları İdarəsinin (USPTO) saytında “Samsung” şirkətinin smartfon, fablet və digər qurğular üçün “ağıllı” çexola görə patent hüququ əldə etməsi ilə bağlı müraciəti yerləşdirilib.
“Ictinfo.az” “actualnews.org”-a istinadən bildirir ki,burada söhbət unikal “ağıllı” qoruyucu çexolun üz qabığı haqqında gedir.
Faktiki olaraq, qurğu hətta bağlı vəziyyətdə olsa belə bəzi proqramlar üçün çexoldan istifadə etmək mümkün olacaq.İstifadəçi bu yolla əvvəlcədən seçdiyi proqramdan daha tez bəhrələnə bilər.Belə çexolların daxili, həmçinin üz tərəfləri sensora malikdir. Belə aksessuarın mövcudluğu əsas ekranda kontaktlar kitabçası, kamera və s. kimi tez-tez istifadə olunan əlavə və funksiya piktoqramlarının göstərilməsi üçün ayrılan yerə kifayət qədər qənaət etməyə icazə verəcək.
Planşet və ya hibrid portativ kompüter üçün çexola gəldikdə, düymələr qoruyucu aksessuarın üz tərəfində yerləşə bilər. Lazımi sensorlu yeri basmaqla çexolu açan istifadəçi istədiyi proqramdan dərhal yararlana biləcək.
Bildirilir ki, Cənubi Koreya istehsalçısının patent üçün ərizə ilə bu ilin aprelində müraciət etməsinə baxmayaraq sənəd “USPTO” saytında indi dərc olunub. Texnologiyanın kommersiya məhsullarında nə vaxt tətbiq ediləcəyi barədə məlumat verilmir.
