ROOF Academic Training nəcib bir təşəbbüslə çıxış edir.Belə ki,tədris mərkəzi yerli iş adamlarından birinin dəstəyi ilə aztəminatlı ailələrdən olan, 6-7-ci siniflərdə təhsil alan və İnformatika Olimpiadasına hazırlaşmaq istəyən 10 potensiallı şagirdə dəstək olacaq.
Hazırda qeydiyyat mərhələsi aparılır. Riyazi potensialı yüksək, proqramlaşdırmaya marağı olan, ingilis dili və olimpiada hazırlığı dərslərində maddi çətinlik yaşayan, həm Bakıda həm də regionlarda yaşayan şagirdlər müraciət edə bilərlər. Seçilən 10 qalibin 1 illik xərclərini iş adamı qarşılayacaq.
Müraciət üçün link əlavə edilib.
Qeyd edək ki,ROOF Academic Training ingilis dili və riyaziyyat, beynəlxalq imtahanlara (Cambridge, SAT, IELTS, TOEFL) hazırlıq və xaricdə təhsil xidmətləri üzrə ixtisaslaşmış təhsil şirkətidir. Şirkət öz fəaliyyətinə 2017-ci ilin yayında başlayıb. Artıq 5-ci ildir ki, tələbələrə və ailələrinə uğurlu xidmət göstərməkdədir. Komandamızda təcrübəli, təhsilini ölkə daxilində və xaricində almış, beynəlxalq sertifikatlara sahib mütəxəssislər yer alır. Müəllim heyətimizin IELTS ortalaması 7.5-dir və TKT, TESOL, CELTA sertifikatlarına sahibdirlər. ROOF Academic Training British Council Azerbaijan-ın ölkədə ən böyük partnyorudur.
