“Aztelekom” İB Sumqayıt şəhərində, Abşeron rayonunun Hökməli qəsəbəsində, Füzuli rayonunun Böyük Bəhmənli yaşayış məntəqəsində və eləcə də Qazax rayonunda CDMA simsiz telefon şəbəkəsinin yeni baza stansiyaları quraşdırılmaqla bu ərazilər də şəbəkənin əhatə dairəsinə daxil edilib.
Bu barədə birliyin baş direktorunun 1-ci müavini, texniki direktor Zahir Vəliyev məlumat verib. Onun sözlərinə görə, “3G” xidmətlərinin təqdim olunması nəzərdə tutulan planlar sırasındadır.
Qeyd edək ki, “Aztelekom” İB-nin CDMA tipli simsiz telefon abunəçilərinin sayı 20 mindən çoxdur.
