«Realme» yeni «Watch 3» smart saatı ilə birlikdə ilk monitorunu təqdim etmək niyyətindədir. İstehsalçı onun şəkillərini paylaşaraq bəzi texniki xüsusiyyətləri açıqlayıb.
«Realme»-nin monitoru «Flat Monitor» adlanacaq. O, 23,8 düymlük Full HD LED displeyə malik olacaq. İstehsalçı 75 Hz matrisin yeniləmə sürəti və 8 millisaniyəlik gecikmə müddəti vəd edir. Tizerlərdən biri də monitorun əsas hissəsinin qalınlığını göstərir — cəmi 6,9 mm. Bundan əlavə, cihazın yanlarında və yuxarı hissəsində minimal çərçivələr var.
Məlumat var ki, monitorda USB Type-C, HDMI, VGA və enerji mənbəyini qoşmaq üçün ayrıca konnektor olacaq. Daxili dinamiklərin mövcudluğu hələ dəqiqləşdirilməyib.
«Realme Flat Monitor»-un rəsmi təqdimatı iyulun 26-na planlaşdırılır. Ola bilsin ki, yeni Realme Watch 3 smart saatı ilə yanaşı, şirkət başqa yeni əşyalar təqdim etsin. Məsələn, bu yaxınlarda şarj səviyyəsini göstərmək üçün korpusa quraşdırılmış displeyi olan TWS qulaqlıqları haqqında məlumat var idi.
