«Meta» şirkətinin baş direktoru Mark Zukerberqin açıqlamasına görə,»Ray-Ban Stories» smart eynəkləri «Facebook Messenger»-də mesaj göndərmək, qəbul etmək və baxmaq imkanı verən proqram yeniləməsini alıb.O bildirib ki, bu, cihazın gələcəkdə istifadəçilərə təqdim edə biləcəklərinin yalnız kiçik bir hissəsidir.
Zukerberq bildirib ki,»Ray-Ban Stories» sahibləri eynəklərin mikrofonlarından,dinamiklərindən və səs köməkçisindən istifadə edərək «Facebook Messenger»-dən mesaj göndərmək və oxumaq və səsli zənglər etmək üçün istifadə edə biləcəklər.O, həmçinin 2022-ci ildə cihaz üçün yeni funksiyalar gətirəcək bir sıra yeniləmələrin buraxılacağını vəd edib.
«Facebook Messenger» inteqrasiyasının əlavə edilməsi «Ray-Ban Stories»-i istifadəyə verildiyi vaxtdan daha faydalı cihaz edir. Əvvəlcə eynəklər sizə foto və ya video çəkməyə imkan verirdi, həmçinin səs köməkçisi ilə simsiz qulaqlıq kimi də işləyə bilirdi.Zukerberq bildirib ki, istifadəçilər nədənsə eynəklərə quraşdırılmış sensor paneldən istifadə etməyi xoşlamırlarsa,indi səsin həcmini tənzimləyə və daxili dinamiklərdə musiqinin səsləndirilməsinə öz səsləri ilə nəzarət edə biləcəklər.
