İnnovasiya və Rəqəmsal İnkişaf Agentliyinin təşəbbüsü ilə həyata keçirilən “Rəhbərlər üçün Rəqəmsal Akademiya” proqramının daha öncəki sessiyası Bakıda keçirilmişdi. Yeni sessiyası isə Berlində keçirildi və 13 dövlət qurumundan rəhbər şəxslər, Almaniya və Danimarkanın hökumət sektorlarında rəqəmsal transformasiya təcrübəsi ilə tanış olub aparıcı ekspertlərlə fikir mübadiləsi apardı.
Təlim çərçivəsində:
“Hertie School”un Rəqəmsal İdarəetmə Mərkəzinin rəhbəri Gerhard Hammerşmit Almaniyanın rəqəmsallaşma strategiyalarını təqdim etdi.
Danimarkanın rəqəmsal idarəçilik modeli və Almaniyanın rəqəmsal siyasəti müzakirə olundu.
Almaniya Rəqəmsal və Nəqliyyat Federal Nazirliyi ziyarət edilərək rəqəmsal transformasiya həlləri yerindəcə öyrənildi.
Almaniya Federal Kanslerlik nümayəndələri ilə rəqəmsal siyasət üzrə görüşlər keçirildi.
Almaniyadakı Azərbaycan Mədəniyyət Mərkəzində təşkil olunmuş rəsmi qəbulda səfir Nəsimi Ağayev rəqəmsallaşmanın önəmi və əməkdaşlıq imkanlarından danışdı.
Dövlət sektorunun rəqəmsal transformasiyası üzrə beynəlxalq təcrübələr öyrənilməyə və tətbiq olunmağa davam edir!
