“Qualcomm” bu yaxınlarda “Sony” və “Nintendo” rəhbərləri ilə əl oyun konsollarının gələcəyini müzakirə edib. Hələlik bu mövzuda heç bir rəsmi açıqlama verilməyib – lakin ixtisaslaşmış nəşrlər artıq məşhur brendlərin mümkün əməkdaşlığı barədə ilkin nəticələr çıxarıblar.
Şirkət nümayəndələri arasında söhbətin təfərrüatları açıqlanmayıb. Wccftech portalının Tech Reve insayderinin hesabatına istinadən verdiyi məlumata görə, çip istehsalçısı öz oyun konsolunu buraxmaq niyyətindədir. Bunun üçün şirkət Nintendo-dan hardware ilə iş təcrübəsini, Sony-dən isə konkret aparat platforması üçün optimallaşdırılmış mobil oyunların yaradılması təcrübəsini “borc almaq” istəyir.
Müasir portativ cihazların böyük ölçüləri sayəsində şirkət konsolu təkmil soyutma sistemi ilə təchiz edə biləcək. Bu o deməkdir ki, Qualcomm adi mobil çipdən istifadə etməyəcək. Ola bilsin ki, yenilik noutbuklar üçün məhsuldar 12 nüvəli SoC Snapdragon 8cx Gen 4 alsın. Mümkün elan tarixi və cihaz haqqında texniki detallar məlum deyil.
