“Strategy Analytics” smartfonlar üçün prosessorların qlobal bazarının tədqiqatının nəticələrini dərc edib: çətin iqtisadi mühitə və komponentlərin çatışmazlığına baxmayaraq, sənaye təsirli artım nümayiş etdirib.2021-ci ildə pul ifadəsində tədarüklərin həcmi 30,8 milyard dollara çatıb. Bu, əvvəlki ilin nəticəsindən demək olar ki, dörddə bir – 23% çoxdur.
Sənayenin ən böyük oyunçusu 37,7% payla “Qualcomm”dur. İkinci və üçüncü yerləri “MediaTek” və “Apple” şirkətləri tutur: bu şirkətlərdən birincisi bazarın 26,3%-nə, ikincisi 26,0%-nə nəzarət edir. Beləliklə, üç aparıcı developer birlikdə sənayenin 90%-ni tutur.
Dördüncü yerdə çox geridə qalan “Samsung” şirkətidir – 6,6%. Ondan sonra 2,5% və 0,8% payla Unisoc və HiSilicon gəlir. Pul ifadəsində satışların daha 0,1%-i Google-dan gəlir.
Qeyd olunur ki, ötən il beşinci nəsil mobil rabitəni (5G) dəstəkləyən prosessorlara tələbat 84% artıb. Belə məhsulların payı ümumi təklifin 46%-ni təşkil edib.
“Android” smartfonları üçün ən populyar çiplər arasında “Snapdragon 888/888+”,” 765/G”, “750G”, “662” və “Dimensity 700” adlanır.
