Yeni «LG G7 ThinQ» smartfonunun bu ay ərzində təqdim ediləcəyi haqqında informasiya yayılıb.Bəzi mənbələr bildirir ki, yenilik dəbdə olan ən yeni texnologiyalarla istifadəçiləri təəccübləndirəcək.
«ICTinfo.az» «dni24.com» resursuna istinadən bildirir ki,şirkət nümayəndələri daha əvvəl yeni modellər üçün daha unikal adlar səsləndirirdilər. Yenilikdəki «ThinQ» əlavəsinə gəlincə bu smartfonda bəzi süni intellekt elementlərinin tətbiq etməsinə işarə edir. Bəzi analitiklər proqnozlaşdırırlar ki, «LG G7 ThinQ»-də istehsalçılar yeni qurğular üçün süni intellekti tətbiqinə tədricən başlayacaqlar. Yeni smartfonda «Vision AI» tətbiqi sayəsində kamera çəkilişdə lazımlı parametrləri avtomatik seçərək daha çox rahat olacaq.
Yeni smartfonun satışları cari ilin mayına başlana bilər.Qiymətinin isə təxminən 900 dollar, daha yaxşılaşdırılmış versiyalarının isə bir qədər də bahalı olacağı bildirilir.
