Cənubi Qafqazın aparıcı telekommunikasiya operatorlarından biri olan KATV1 şirkəti öz abunəçilərinin rahatlığını təmin etmək üçün müştəri xidməti mərkəzlərini genişləndirməyə davam edir.Şirkətdən verilən məlumata görə, ötən həftə Pirallahıda yeni Müştəri Xidməti Mərkəzinin təntənəli açılışı keçirilib (Fioletov küç. 28).Yeni xidmət mərkəzində KATV1-in fəaliyyəti barədə məlumat əldə etmək, televiziya və internet şəbəkəsinə qoşulmaq üçün sifariş vermək mümkündür. Bundan başqa abonentlər xidmət haqqının ödənilməsi, paketlərin siyahısında dəyişikliklər edilməsi və digər məsələlərlə bağlı da yeni mərkəzə müraciət edə bilərlər.
Qeyd edək ki, Pirallahı filialı şirkətin sayca 20-ci xidmət mərkəzidir. Xidmət Mərkəzinin iş saatları: 09:00-dan 19:00-dək.
