Panasonic Toughbook 33mk4 planşetin təqdim edib.Qurğu uyğun olmayan şəraitdə işləmək üçün nəzərdə tutulmuşdur, eyni zamanda avadanlıq tələb edən vəzifələrin öhdəsindən gələ bilən güclü aparat platforması üzərində qurulur.
Panasonic Toughbook 33mk4 yolda dözümlü planşet və ya noutbuka ehtiyacı olan sənayeçilər, polislər, yanğınsöndürənlər və digər peşəkarlar üçün nəzərdə tutulub. Qadcetin korpusu IP65 və MIL-STD 810H mühafizə standartlarına uyğun sertifikatlaşdırılıb. O, həmçinin 4G/5G və GPS modulları ilə təchiz olunub. Yeni məhsulun ekran diaqonalı 12 düym, təsvir ölçüsü 2160×1440 piksel, pik parlaqlıq 1200 nit təşkil edir.
Konfiqurasiyadan asılı olaraq planşet Intel Core i5-1345U vPro və ya Core i7 1370P vPro prosessoru üzərində qurulub. DDR4 RAM-ın həcmi 16 GB RAM (32 GB-a qədər genişləndirilə bilər), yaddaş 512 GB (maksimum mümkün həcm 2 TB) təşkil edir. Xüsusiyyətlər siyahısını Wi-Fi 6E və Bluetooth 5.3 modulları, 8 meqapiksellik əsas kamera və 2 meqapiksellik ön kamera, həmçinin USB 3.2 Gen 1 Type A, Thunderbolt 4, HDMI və Ethernet konnektorları tamamlayır.
Qoşulma modullarından istifadə etməklə cihaz əlavə olaraq NFC çipi, smart kartlar üçün slot, barmaq izi skaneri və ya ikinci batareya ilə təchiz oluna bilər. Sonuncu halda, ümumi tutum standart 22 Wh (avtonomiya 7,5 saata qədər) 45 Wh (15 saata qədər) artacaq. Planşetin satışa başlama tarixi və qiyməti hələ açıqlanmayıb.
