«Nvidia» şirkəti öz kompüter avadanlığı istifadəçilərinə «Windows» əməliyyat sisteminin son yenləməsini ləğv etməyi tövsiyə edir. Bu barədə «WindowsCentral» portalının videokart istehsalçısının nümayəndələrinə istinadən məlumatında deyilir.»ICTinfo.az» «RIA Novosti» resursuna istinadən yazır ki, söhbət apreldə buraxılan «Windows 10 KB5001330» yeniləməsindən gedir. Onu quraşdıran istifadəçilər oyun məhsuldarlığının azaldılması ilə yanaşı, təhüləkəsizlik sistemi yeniləmələrində problemlər və istifadəçi profilində nasazlıqlarla rastlaşıblar.
«Nvidia» şirkəti yeniləməni ləğv edərək «Windows 10» parametrlərində «Windows Update» vasitəsilə əməliyyat sisteminin əvvəlki versiyasına qayıtmağı tövsiyə edir. Bu tədbirin oyun həvəskarlarına, eləcə də bütün istifadəçilərə kömək edəcəyi bildirilir.
Son «Windows 10» yeniləməsində problemlərlə təkcə «Nvidia» deyil, həm də «AMD» videosürətləndiricisi ilə təchiz edilən kompüter sahibləri üzləşiblər. «Microsoft» korporasiyası nasazlıqların aradan qaldırılması üçün rəsmi həll yolunu hələ ki təqdim etməyib.
