Nəqliyyat, Rabitə və Yüksək Texnologiyalar Nazirliyi tərəfindən növbəti «İdeyadan Biznesə» («I2B») düşərgəsi 28-30 sentyabr 2018-ci il tarixlərində, Şəki şəhərində yerləşən “Marxal” otelində keçiriləcək. «I2B» düşərgəsi — Azərbaycanda regional I2B şəbəkəsinin inkişafı məqsədilə Nəqliyyat, Rabitə və Yüksək Texnologiyalar Nazirliyinin “Yüksək Texnologiyalar Parkı – “YT Park” MMC tərəfindən startaplar, texnoparklar, yenilikçi sahibkarlıq və sürətləndirmə mərkəzlərinin nümayəndələri üçün yaradılmış unikal platformadır. Müvafiq düşərgənin əsas mövzusu «Startaplar öndə – biznesin inkişafında olan maneələrin aradan qaldırılması»dır. Nəticə etibarilə, «I2B» düşərgəsində Azərbaycanda startaplar üçün ən vacib problemlər və imkanları əhatə edən bir gündəliyin razılaşdırılması planlaşdırılır.
