Müxtəlif cihazlar üçün sensor panellərin və idarəetmə sistemlərin istehsalı ilə məşqul olan Synaptics şirkəti Turnkey adlı barmaq izi sensorlu USB açar təqdim edib.Technote.az-ın məlumatına görə, bu kiçik cihaz sayəsində istifadəçilər hətta ən köhnə noutbooklarını belə qoruya biləcəklər. Yeni cihaz USB girişi olan hər bir Windows kompüteri ilə çalışır. Turnkey istifadəçiləri yaddaşlarda şifrə saxlamaq problemindən azad edir. Kompüterə daxil olmaq üçün istifadəçi cihazı USB giriş vasitəsi ilə kompüterə qoşub barmağını cihazın üstündəki barmaq tanıma sensoruna yaxınlaşdırmalıdır. Bundan sonra istifadəçi rahatlıqla kompüterinə daxil ola biləcək. Synaptics-in verdiyi məlumata əsasən cihaz Windows Hello və Microsoft Passport identifikasiya xidmətləri ilə əlaqəlidir. Düzü cihaz USB girişə bərkidilmir. Buna görə də aydın deyil ki, istənilən hacker həmin cihazı yerindən çıxardıb kompüterı qıra bilər yoxsa yox? Hər-halda şirkət cihazın istehsalını bu ilin 4-cü rübünə planlaşdırır. Onun qiyməti barəsində isə heç bir məlumat verilməyib.
