“Nokia” şirkəti mobil telefonlar, smartfon və planşetlər bazarına qayıtmaq qərarına gəlib. Bu barədə şirkətin saytında məlumat dərc edilib.
“Nokia” cihazlarının istehsalı ilə bu günlərdə yaradılan və dünya səviyyəli top menecerlərin başçılıq etdiyi HMD şirkəti məşğul olacaq. HMD “Microsoft” korporasiyasının mobil telefon istehsalını satdığı şirkətdir. HMD şirkəti Finlandiyada qeydiyyatdan keçib və bu ilin ikinci rübündə “Microsoft”dan “Nokia” brendi altında cihaz istehsal etmək üçün hüququnu tam alacaq.
“Nokia” HMD şirkətindən brendin və digər intellektual mülkiyyətin istifadəsi ilə bağlı qonorar alacaq. HMD şirkəti növbəti 3 il ərzində 50 milyon dollar vəsait yatırmağı planlaşdırır. Bu şirkət tərəfindən istehsal olunan smartfonlar və planşetlər “Android” əməliyyat sistemi ilə çalışacaq.
