“AST SpaceMobile” şirkəti adi smartfonların genişzolaqlı şəbəkələrə bağlantısın təmin edən ilk və indiyədək yeganə peyk şəbəkəsini quran “Nokia” ilə 5 illik müqavilə bağlayıb. Şirkətlər dünyanın ucqar bölgələrindəki istifadəçilərə bağlantı təmin etmək üçün güclərini birləşdirəcəklər. İlk sınaq peyki BlueWalker 3-ün bir sıra mobil operatorlarla əməkdaşlıq çərçivəsində bu ilin sonunadək orbitə çıxarılması planlaşdırılır.
AST SpaceMobile nümayəndəsinin sözlərinə görə, Nokia AirScale sisteminin inteqrasiyası bütün dünyada 5 milyarddan çox abunəçi üçün rabitənin “ölü zonaları”nın aradan qaldırılması və hələ də ona malik olmayanların genişzolaqlı internetə çıxışının təmin edilməsi istiqamətində mühüm addım atacaq. . Xüsusilə, bu o deməkdir ki, bir çox smartfon istifadəçiləri əlavə avadanlıq almadan sürətli əlaqə əldə edə biləcəklər. Şirkət artıq 1,8 milyarddan çox abunəçi olan mobil operatorlarla əməkdaşlıq müqavilələri bağlayıb.
Nokia AirScale Single RAN avadanlığı AST SpaceMobile-a yerüstü şəbəkələrin xidmət göstərmədiyi regionlarda yeni və mövcud istifadəçilərə mobil xidmətlər göstərməyə imkan verəcək. Söhbət quruda, eləcə də dənizdə və uçuşda olan istifadəçilərdən gedir. Nokia ən son ReefShark çipsetlərinə əsaslanan AirScale baza stansiyaları da daxil olmaqla avadanlıq təchizatı, həmçinin digər texnoloji həllər və texniki dəstək verəcək.
Nokia sözçüsü bildirib ki, müasir dövrdə rabitə gündəlik fəaliyyətin vacib elementlərindən biri kimi qəbul edilməlidir – su, elektrik və ya qaz kimi hər kəs genişzolaqlı xidmətlərə çıxış əldə etməlidir. Şirkət iki ildir ki, bu təşəbbüslə AST SpaceMobile şirkəti ilə əməkdaşlıq etdiklərini bildirib.
AST SpaceMobile şirkəti sentyabrın əvvəlində və ya ortalarında BlueWalker 3 aşağı orbitli peyki orbitə çıxarmağı planlaşdırır, avadanlıq 3GPP tərəfindən təsdiqlənmiş tezliklərdə işləyən cihazlarla birbaşa əlaqə saxlamaq üçün nəzərdə tutulub. Gələcəkdə şirkət geniş qlobal əhatəni təmin etmək üçün 100-ə yaxın peyki istifadəyə vermək niyyətindədir. AST SpaceMobile şirkətinin məlumatına görə, Nokia təkcə AirScale sistemini inteqrasiya etməyəcək, həm də onlarla mühəndis və digər sənaye peşəkarları ilə layihəni dəstəkləyəcək.
