«Nokia 9» smartfonu Barselonada fevral ayında baş tutacaq «Mobile World Congress (MWC) sərgisinə təqdim ediləcək.
«ICTinfo.az» «actualnews.org»-a istinadən bildirir ki,smartfon vertikal şəkildə yerləşən qoşa kamera ilə təchiz ediləcək, onların altında isə barmaq izi skaneri quraşdırılacaq. Aşağı yan paneldə «USB-С» çıxışı və mikrofon yer alacaq.
«Nokia 9» smartfonu səkkiznüvəli «Qualcomm Snapdragon 835» prosessoru, «LG» şirkətinin istehsalı olan 5,5 düym diaqonallı «OLED» ekran, «Samsung» şirkətinin «UFS 2.1» formatlı 128 giqabayt tutumlu quraşdırılmış yaddaş, 3 250 milliamper/saat tutumlu akkumulyator, 5 meqapikselli ön kamera, 13 və 13 meqapikselli sensorlardan ibarət qoşa əsas kamera ilə təchiz ediləcək. Smartfonun «Android 8.0 Oreo» əməliyyat sisteminin idarəetməsi ilə işləyəcəyi bildirilir. Smartfon TA-1005 nömrəsi ilə qeydiyyatdan keçib.Şirkət hələ «Nokia 9» smartfonunun qiymətin açıqlamayıb.
Gözlənilir ki, Finlandiya şirkəti «Nokia 3310» mobil qurğusunun «4G» variantını da göstərəcək. Diqqətəlayiqdir ki, şirkət ötən il analoji sərgidə 2.5G modelini təqdim etmişdi.
