Rəqəmsal inkişaf və nəqliyyat naziri Rəşad Nəbiyev Brüsseldə Avropa İttifaqının (Aİ) Genişlənmə üzrə komissarı Marta Kos ilə görüşüb.
Görüşdə Zəngəzur dəhlizinin gələcək perspektivləri, eləcə də Naxçıvanın nəqliyyat infrastrukturunun inkişafına Aİ-nin mümkün dəstəyi müzakirə edilib. Nazir Rəşad Nəbiyev Azərbaycan tərəfindən bu istiqamətdə həyata keçirilən strateji əhəmiyyətli layihələr barədə ətraflı məlumat verib.
Həmçinin həmin layihələrdə Aİ-nin potensial iştirak imkanları ilə bağlı fikir mübadiləsi aparılıb.
Görüş zamanı nəqliyyat, rəqəmsallaşma, innovasiyalar və İKT sahələrində əməkdaşlığın genişləndirilməsi məsələləri də diqqət mərkəzində olub.
