Naxçıvan Muxtar Respublikasında IP ünvanların çatışmazlığı problem tamamailə aradan qaldırılıb. Muxtar Respublikanın Rabitə və Yeni Texnologiyalar Nazirliyindən verilən məlumata görə, Türkiyə Respublikasının “Türk Telekom” şirkəti ilə əməkdaşlıq protokolu imzalanaraq bu istiqamətində əlavə fiber-optik kabel xətti çəkilib. Bütün bunların nəticəsidir ki, muxtar respublikaya daxil olan internet kanalının sürəti 2 Gb/s-dək yüksəldilib. Son illər muxtar respublika ərazisində fiber-optik xətlərinin çəkilməsi, kənd yaşayış məntəqələrində yeni nəsil ATS-lərin quraşdırılması internet istifadəçilərinin sayının artmasına da səbəb olub. Hazırda muxtar respublikanın yaşayış ərazilərinin 93 faizində genişzolaqlı, 83 faizində isə simsiz internet xidmətləri göstərilir.
