«WhatsApp» istifadəçilərinə fərdi məlumatlarının «Facebook»-a ötürülməsinə aydınlıq gətirdi. «WhatsApp» yenilənmiş gizlilik siyasətinin tənqidlərinə cavab verərək, istifadəçilərinə fərdi məlumatlarının əsas surətilə «Facebook» ötürülməsi ilə bağlı məsələyə aydınlıq gətirdi.
Daha əvvəl «Teleqram» və «Viber2 kimi rəqib şirkətlərin CEO-ları «WhatsApp» istifadə etmənin artıq etibarlı sayıla biləcəyinə dair şübhələrini dilə gətirərək, mesajlaşmanın yeni qaydalarına mənfi münasibətlərini bildirdilər.»WhatsApp» rəhbərliyi mesajlaşmada gizliliyin qorunması ilə bağlı istifadəçilərin suallarını cavablandırdıqları bir məqalə yayımlayıb. Yazı tətbiqin rəsmi «Twitter» hesabında paylaşılıb.
«Bəzi şayiələri dağıtmaq və gizliliyinizi tam şəkildə şifrələmə ilə qoruduğumuza 100% təminat vermək istəyirik».
İstifadəçiləri sakitləşdirmək üçün şirkət rəhbərliyi yeni məxfilik siyasətinin təfərrüatlarını izah etməyə qərar verib. WhatsApp rəsmiləri tətbiqin zəngləri, mesajları, istifadəçinin yeri və əlaqələri barədə heç bir məlumat almadıqlarını iddia edib. Qeyd olunur ki, mesajlaşmaya sahib olan «Facebiik» korporasiyasının da bu məlumatları əldə etmək imkanı yoxdur. Bununla yanaşı, şirkət, iş hesablarının fərdi hesablardan fərqli olduğunu və bunlar üçün qaydaların müxtəlif olduğunu da qeyd edib. Məsələn, bəzi iri şirkətlər Facebook hosting xidmətlərindən istifadə edir.
«İş hesabınızla telefon, e-poçt və ya WhatsApp ilə əlaqə qurmağınızdan asılı olmayaraq, bu söhbətlər haqqında məlumatlar, Feysbuk reklamları kimi marketinq məqsədləri üçün istifadə edilə bilər. İstifadəçilərin bu ehtimaldan xəbərdar olmasına əmin olmaq üçün Feysbukun hosting xidmətlərindən istifadə edən şirkətlərlə söhbət etdiyimizə dair bildirişlər göndəririk», — deyə WhatsApp rəhbərliyinin yayımladığı məqalədə deyilir.
«Bu o deməkdir ki, bir istifadəçinin iş hesabına göndərdiyi bütün mesajlar Feysbuka ötürülə bilər və şirkətin sahib olduğu xidmətlərdəki reklamları fərdiləşdirmək üçün istifadə edilə bilər».
Bu mesaj Telegram messencerinin yaradıcısı Pavel Durov rəqibin tətbiqini tənqid edərkən yazıb.
Durov Teleqramda yazaraq bildirib ki, bəzilərinin bu səbəbdən «WhatsApp»-ı tərk edib: «İndi bir çox insan «WhatsApp» şərtlərindəki son dəyişiklikdən istifadəçilərin bütün fərdi məlumatlarını Facebook reklam sisteminə köçürməli olduqlarını söyləyir».
Durov əlavə edib ki, tətbiqin mənbə kodu gizli olduğundan şifrələmənin effektivliyini yoxlamaq və WhatsApp-ın məxfiliyini qorumaq mümkün deyil.
Daha sonra Teleqram rəhbərini Viber CEO-su Jamel Agaua da dəstəkləyib. Bu tətbiq həm də WhatsApp-ın rəqibidir. Agaua WhatsApp-ın istifadə şərtlərinin istifadəçilərin məxfiliyi üçün təhlükəli olduğunu qeyd edib. Bundan əlavə, WhatsApp-ın məlumatların məxfiliyi baxımından təhlükəli bir yolda olduğunu və mesajlaşma istifadəçiləri haqqında məlumatların əvvəlkindən daha çox pul qazandığını söyləyib.
Agaua əlavə edib ki, mesajlaşma müştərisindən bir istifadəçi Feysbukun reklam verənlərə satdığı məhsula çevrilir. Onun sözlərinə görə, bu, ünsiyyətin məxfiliyinə önəm verən hər kəs üçün bir aydın olmalıdır: “WhatsApp-ın məxfilik siyasətinə edilən son yeniləmə, məxfilik sözünün ələ salınmasıdır. Bu, yalnız istifadəçinin məxfiliyinin WhatsApp üçün vacib olmadığını göstərir, eyni zamanda istifadəçi məlumatlarına hörmətsiz yanaşma ilə bağlı yeni bir rekorda imza atır».
«WhatsApp» məxfilik siyasətini dəyişdirdikdən sonra geniş bir qınağa məruz qaldı. Artıq mesajlaşma şirkəti, «Facebook»,»İnstaqram» və digərləri daxil olmaqla, şirkətin bütün tətbiqləri ilə məlumat paylaşacaq. Bu, ilk növbədə «WhatsApp» istifadəçilərinin vərdişləri və maraqlarına dair məlumatların toplanması və təhlili əsasında formalaşacaq reklamın fərdiləşdirilməsi üçün lazımdır.
Yeni qaydalar bu ilin fevralında qüvvəyə minəcək, lakin yeni şərtlərlə razılaşma bildirişi istifadəçilərə indi gəlir. Onlar 30 gün ərzində qəbul edilməlidir, əks halda istifadəçi hesabı həmişəlik bloklanacaqdır.
