Devalvasiyadan sonra mobil telefonların qiymətləri bir qədər yüksəlmişdir. Buna çox da məyus olmaq lazım deyil. Azercell-in kampaniyası ilə ucuz smartfon əldə etmək imkanı olacaqdır. Azercell Telekom Novruz bayramı ərəfəsində yeni kampaniyalara start verəcəkdir. Bunu jurnalistlərə şirkətin rəhbəri Vahid Mürsəliyev bildirib. “Əsas kampaniyamız smartfonlar ilə bağlı olacaq. İnsanlarda interneti dəstəkləyən telefon yoxdursa, mobil internetdən istifadə edə bilməyəcəklər. Biz istəyirik ki, insanlarda interneti dəstəkləyən telefonlar olsun. Bunu nəzərə alaraq, müştərilərin münasib qiymətə smartfona sahib olmalarına şərait yaradacağıq”.
Vahid Mürsəliyev qeyd edib ki, 2015-ci ildə Azercell İnternetin qiymətində 55% endirim edib. 2016-cı ildə də İnternetdən istifadə artdıqca qiymətlərə baxılacaqdır:
“Biz müştərilərimiz razı salmağa çalışırıq. Çalışırıq ki, xidmətlərimiz sərfəli və keyfiyyətli olsun”,- o deyib.
