«Samsung» tərəfindən payızın əvvəlində təqdim edilən 200 meqapiksellik sensor ilk dəfə «Motorola» smartfonunun kamerası kimi tətbiq olunacaq.»ICTinfo.az» «4Pda.ru» resursuna istinadən bildiri ki,bu barədə etibarlı şəbəkə məlumatçısı olan «Ice Universe» məlumat yayıb. O, həmçinin meqapiksel yarışına qatılacaq brendlərin adını çəkib.
Samsung ISOCELL HP1 0,64 mikron pikselə malikdir. Eyni zamanda, sensorun yüksək işığa həssaslığını təmin edən ChameleonCell texnologiyası proqramlı şəkildə qonşu pikselləri daha böyük — 1,28 və 2,65 mikron ölçülərdə birləşdirir. Beləliklə, fotoşəkillərin təsvir ölçüsü müvafiq olaraq 50 və 12,5 meqapikselə dəyişdirilir.
Mənbənin sözlərinə görə, «Motorola» 2022-ci ilin əvvəlində 200 meqapiksellik sensorlu yeni məhsul buraxacaq. Növbəti təkmil sensoru Xiaomi şirkəti öz smartfonunun kamerasına təqdim edəcək. Cihaz gələn ilin ikinci yarısında bazara çıxacaq. Mənbəyə görə, yalnız 2023-cü ildə ISOCELL HP1 ilk dəfə «Samsung» qabaqcıl kameralarında istifadə ediləcək.
