«Motorola» şirkəti 2022-ci ildə bazara çıxacaq «Moto G32» smartfonunu təqdim edib. Boz, gümüş və çəhrayı rənglərdə bazara çıxacaq «Moto G32»-nin qiyməti 210 avro olacaq.
Yenilik «Qualcomm»-dan 4 GB və ya 6 GB RAM və 64 GB və ya 128 GB daxili yaddaşla birləşdirilən «Snapdragon 680» çipi əldə edib.6,5 düymlük Full HD+ (2400×1080 piksel) LCD ekran və 90 Hz yeniləmə tezliyi ilə smartfon 30 Vt sürətli enerji doldurmanı dəstəkləyən 5000 mAh batareyaya malikdir.
«Moto G32» 16MP ön kamera ilə təchiz edilib.Üçlü əsas modula isə 50MP obyektiv, 8MP geniş bucaqlı kamera və 2MP makro obyektiv daxildir. Smartfonda 3,5 mm audio yuvası var və FM radionu dəstəkləyir.Cihaz bazara iki versiyada, bir və ya iki SİM-kartla daxil olacaq, lakin hər iki halda smartfon microSD yaddaş kartını dəstəkləyir.
