“Motorola” çevik displeyli yeni nəsil smartfonu-klassik qapaqlı “Razr 3”-ü buraxmağa hazırlaşır.Cihazın “Qualcomm”-un “Snapdragon 8 Gen 1” prosessoru ilə təchiz edildiyi bildirilir. Çip özündə 3,0 GHz-ə qədər takt tezlikli səkkiz nüvəni, yeni nəsil Adreno qrafik sürətləndiricisini və abunəçiyə doğru 10 Gb/s sürətlə məlumat ötürməyə imkan verən “Snapdragon X65 5G” modemini birləşdirir.
6, 8 və 12 GB operativ yaddaşa malik “Motorola Razr 3”-ün modifikasiyası satışa çıxarılacaq. Flash yaddaş tutumu – 128, 256 və 512 GB.
Əsas çevik displeyin xüsusiyyətləri açıqlanıb: onun ölçüsü diaqonal üzrə 6,7 düym, təsvir ölçüsü 2400 × 1080 piksel olacaq. Panelin yeniləmə tezliyi 120Hz-ə qədər ola bilər.
Avadanlığa 32 meqapiksellik sensor əsasında selfi kamerası, həmçinin 50 meqapiksellik OV50A sensorlu əsas ikili kamera və 13 meqapiksellik matrisli ultra geniş bucaqlı qurğu daxil olacaq.
Yeni məhsulun ultra genişzolaqlı simsiz (UWB) texnologiyasını tətbiq etməsi ehtimalı da var. Smartfon NFC nəzarətçisi və köməkçi xarici ekran alacaq.
