“Motorola” şirkəti iyulun 25-də “Moto Z2 Force” adlı yeni smartfonunun təqdim edəcək. Hələ ki yenilik haqqında ətraflı məlumat yoxdur. Ancaq onun ekranının istənilən zərbəyə davamlı olacağı bildirilir.
“Ictinfo.az” “actualnews.org”-a istinadən bildirir ki,istehsalçılar smartfonu “Snapdragon 835” mikrosxem yığımı ilə təchiz ediblər.Bundan başqa smartfon “Adreno 540” qrafik sürətləndiricisi ilə təchiz edilməklə 5,5-düym AMOLED ekran, 13 və 5 Mp kameralar, 6 və 128 QB yaddaş alacaq. Hal-hazırda istehsalçılar məhsulun qiyməti və satışa başlama tarixini açıqlamır.
Motorola şirkəti uzun müddətdir ki, innovasiya smartfonları ilə rəqabət apara bilmirdi. İndi istehsalçılar müasir texnologiyaları bir qurğuda birləşdirməyə çalışaraq bazarda öz mövqelərini möhkəmlətməyə çalışır.
