Rusiyadada yeni “iPhone X” smartfonunun satışlarına start verilib.
«Ictinfo.az» «appleinsider.ru»-ya istinadən bildirir ki,artıq bir neçə gündür smartfonun satılacağı mağazaların qarşısında uzun növbələr yaranıb.Artıq bu gün səhər Moskva şəhərində, satışın həyata keçirildiyi Tverskaya küçəsindəki mağazanın qarşısına 500 nəfərdən çox alıcı toplaşıb.Havanın soyuq olmasına baxmayaraq yeni «iPhone» həsrəti onları avtobuslarda gecələməyə belə məcbur edib.
Mağazalarda növbələr 3 gün əvvəldən başlayıb. Növbədə gözləyənlərdən biri bu gün təcili yardım maşını ilə xəstəxanaya aparılıb. Belə ki, 3 gün növbədə dayanan gəncin səhhəti pisləşib və həkim müdaxiləsinə ehtiyac yaranıb.Artıq əraziyə təcili tibbi yardım maşınları da gətirilib.
Qeyd edək ki, Rusiyada 64 Gb yaddaşa malik “iPhone X” 79 min 990 rubldan, 256 Gb yaddaşı olan model isə 91 min 990 rubldan satışa çıxarılıb.
