Müstəqil «AV-Test» təşkilatının tədqiqatçıları «Microsoft» ƏS-nin cari versiyaları üçün ən effektiv antivirusların yenilənmiş reytinqini dərc ediblər.Çox maraqlıdır ki,reytinqdə liderlərdən biri sistemə quraşdırılmış adi «Windows Defender»-dir.
«ICTinfo.az» «4Pda.ru» resursuna istinadən bildiri ki,ev kompüterlərini qorumaq üçün ən yaxşı proqram həlləri siyahısına müxtəlif tərtibatçıların 21 məhsulu daxildir.Onların hamısı üç kateqoriya üzrə altı ballıq şkala ilə qiymətləndirilib:təhlükənin tanınması və zərərli faylların silinməsinin effektivliyi, performans və istifadəyə yararlılıq.Testlər zamanı onun bütün iştirakçılarına istənilən vaxt imza yeniləmələri üçün İnternetə çıxış imkanı verildi.
Testlərdə bütün növ təhdidlər,o cümlədən haker hücumlarının aşkar edilməsini, eləcə də zərərli e-poçtlardan istifadə edərək kompüteri yoluxdurmağı əhatə edib.Demək olar ki, bütün test iştirakçıları mümkün olan maksimum 18 bal toplaya bildilər.
Ən yaxşı performans göstərən yeganə pulsuz antivirus məhsulu «Microsoft Defender» idi. Şirkətin tezliklə yenilənmiş təhlükəsizlik mərkəzi ilə onun dəyişdirilmiş versiyasını təqdim edəcəyi gözlənilir.
