Microsoft Windows 11 kompüterlərinin klaviaturasına Copilot süni intellekt açarını əlavə edəcək. Bu barədə şirkətin korporativ vitse-prezidenti və marketinq üzrə baş direktoru Yusuf Mehdi məlumat verib.
O, X sosial şəbəkəsində (əvvəllər Twitter) yazıb: “Bu gün biz irəliyə doğru növbəti mühüm addımı atmaqdan və “Copilot” düyməsini Windows 11 ilə kompüterlərə təqdim etməkdən məmnunuq”.
O, aydınlaşdırıb ki, yeni açarın görünüşü kompüter klaviaturalarında 30 ildə ilk ciddi dəyişiklik olacaq. Alət Word və Excel kimi Microsoft daxili proqramlarının işinə süni intellekt tətbiq etməyə imkan verəcək.
