“Microsoft” şirkəti bu gündən etibarən “Windows 7” əməliyyat sisteminin proqram təminatını dayandıracağı haqqında xəbər vermişdik.İstifadəçilərin əməliyyat sisteminin versiyasını dəyişə bilməsi üçün verilən vaxt bitir.»ICTinfo.az» «hi-tech.mail.ru»-ya istinadən bildirir ki,bundan sonra isə “Windows 7” əməliyyat sistemi lazımi təhlükəsizlik səviyyəsini və yenilənmələri əldə edə bilməyəcək.
Şirkət Surface seriyasından olan firma qurğularından istifadə etməyi məsləhət görür. Məqalədə istifadəçilərin tez-tez verdiyi suallara cavab bölməsində dəqiqləşdirilir ki, mövcud kömpüterdə işləyən sistemi yeniləşdirmək əvəzinə yeni fərdi almaq məsləhətdir.
«Windows-7″ istifadəçilərinin əksəriyyətinə Windows-10 sisteminə keçmək tövsiyə olunur. Bu qurğular daha sürətli, daha yüngül və təhlükəsiz olmaqla bərabər 8 il bundan əvvəl ortaq statistik fərdi kömpüterlərin qiyməti ilə müqayisədə xeyli ucuz başa gəlir.
Şirkətin nümayəndələri bildirirlər ki,»Windows-7»-nin sadəcə «Windows-10» ilə əvəz edilməsi məsləhət deyil, çünki bəzi komponentlər və drayverlər düzgün işləməyə bilər.
«Windows-7» sisteminin istifadəçiləri köhnə kompüterlərdə «Windows-10» sisteminə keçəndə həqiqətən bu cür çətinliklərlə üzləşirlər. Məsələn, kart oxuyucu qurğular və ya barmaq izlərinin skanerləri işləməyə bilər.
Adi istifadəçilər üçün «Windows-7» sisteminin dəstəklənməsi 2020-ci il yanvarın 14-də başa çatır. Statistik məlumata görə, hazırda dünyada «Windows-7» sisteminin istifadəçilərinin sayı 400 milyona yaxındır.
Bundan başqa «Windows 7 Professional» istifadəçiləri dəstəyin uzadılması üçün «Microsoft»-a müəyyən məqbləğ pul ödəməli olaacqlar. Məsələn, birinci il 50 dollar,ikinci il 100 dollar və üçüncü il 200 dollar pul ödənəli olacaqlar.
«Windows 7 Enterprise» korporativ versiyasının sahibləri əlavə dəstəyi bir il pulsuz,qalan hər il üçün müəyyən məbbləğ ödəməli olaacqlar.Beləliklə bu yolla «Microsoft» 2023-cü ilə qədər sistemi dəstəkləyəcək.
