“Microsoft” korporasiyasının nümayəndələri proqramçılar və İT-sənayesi mütəxəssisləri üçün pulsuz onlayn mühazirələr keçirəcəklər.
“vistanews.ru” saytının məlumatına görə, bu mühazirələrdə şirkətin məhsullarının misalında proqramçılar və veb-tərtibatçılar üçün bir sıra fənlər barədə danışılacaq.
Mühazirələr “Microsoft Virtual Academy” köməyi ilə onlayn rejimdə keçiriləcək. Bunları dinləmək isə saytların və əlavələrin tərtibatı və ya həyatını proqramlaşdırma ilə bağlamağı planlaşdıran hər kəs üçün olduqca faydalı olacaq.
Mühazirələrdə həmçinin “App Studio” ilə əlavələrin yaradılması, “Android” və iOS proqramlar üçün “Microsoft Azure”nin köməyi ilə bulud proqramlarının əsaslarını mənimsəmək, həmçinin “Marmalade” və digər proqramların köməyi ilə “Windows” və “Windows Phone” üçün oyunların yaradılmasını öyrənmək mümkün olacaq.
Məlumatlar ingilis dilində təqdim olunacaq. İstifadəçilərə bütün mümkün slayd-şoular, mətn və təqdimatlar pulsuz təqdim olunacaq. Mühazirələr hər kəs üçün tamamilə pulsuzdur.
