“Microsoft” şirkəti “Edge” brauzerində audio və videonu real vaxt rejimində tərcümə etməyə imkan verən yeni funksiyanı sınaqdan keçirməyə başlayıb. O, 141.0.3537.13 beta versiyasında ortaya çıxdı və hazırda məhdud sayda dilləri dəstəkləyir.
Bu funksiya orijinal audionu tərcümə edilmiş treklə əvəz edən daxili süni intellekt modelinin köməyi ilə işləyir. Brauzer parametrlərində «Dəstəklənən saytlarda video tərcümə təklif et» kimi göstərilir. Düzgün işləmək üçün minimum 12 GB RAM və dördnüvəli prosessor tələb olunur.
Hazırda tərcümə yalnız bəzi saytlarda, o cümlədən YouTube-da dəstəklənir. İndiyə qədər mövcud dillərin siyahısına yalnız ingilis, ispan və koreya daxildir. Tərcüməni səsləndirməyə başlamazdan əvvəl brauzer müvafiq AI modelini yükləyir və orijinal səsi avtomatik olaraq söndürür.
Bu funksiya hələ də ilkin sınaq mərhələsindədir və bütün istifadəçilər üçün əlçatan deyil. Microsoft uyğun saytların və dillərin siyahısını genişləndirmək niyyətindədir.
