Mercedes-Benz Group AG Çində satılan elektrik avtomobil modellərinə böyük endirimlər tətbiq etmək məcburiyyətində qalıb. Ayrı-ayrı modellər üçün onların dəyəri 33 min dollara qədərdir.Bu, yerli avtomobil istehsalçılarının artan rəqabəti ilə əlaqədardır ki, bu da dünyanın bu ən böyük elektrik avtomobil bazarında Mercedes-Benz satışlarına mənfi təsir göstərir.
İstehsalçının çərşənbə axşamı öz saytında dediyi kimi, şirkət EQ seriyasının bəzi modelləri üçün qiymətləri endirir, endirimlər çərşənbə günündən etibarən qüvvəyə minir. Bundan əlavə, son vaxtlar avtomobil alanlara subsidiyalar veriləcək. Məlumdur ki, EQE modeli hazırda Çində 478 min yuana (67 675 dollar) başa gəlir,çərşənbə axşamı isə onun qiyməti 528 min yuana (74 625 dollar) təklif olkunurdu. Premium EQS modelinin qiyməti dünənki 1,19 milyon (təxminən 168 min dollar) ilə müqayisədə indi 956 000 yuan (təxminən 135 000 dollar) təşkil edir — qiymət təxminən 33 000 dollar azalıb.
«Bloomberg» mənbələrinə görə, rəqabətdən Alman şirkəti endirimlər etmək məcburiyyətindədir. Bəzi dilerlər artıq alman avtomobil məhsullarının satışını artıqrmaq üçün promosyonlar keçiriblər, bəzi məlumatlara görə, EQS modellərinin tədarükü ayda vaxtaşırı 100 elektrikli avtomobilə enir.
Çin Sərnişin Avtomobil Assosiasiyasının məlumatlarına görə, köhnə avtomobil markaları da daxil olmaqla xarici markaların Çində 2022-ci ilin ilk yeddi ayında bütün elektrikli avtomobil satışlarının demək olar ki, 80%-ni təşkil edən yerli avtomobil istehsalçılarına uduzduğu məlumdur.
Bəzi məlumatlara görə, yanvar-iyul aylarında Mercedes-Benz ölkədə daha ucuz EQA, EQB və EQC modelləri də daxil olmaqla 8800 elektrik avtomobil satıb. Eyni zamanda, yalnız orta sinif elektrik avtomobilləri üzrə ixtisaslaşan Çinli «BYD» təkcə oktyabr ayında təxminən 220 min elektromobil və hibrid satıb.
«Mercedes-Benz» Çin avtomobil istehsalçılarının şiddətli rəqabətinə cavab verməyə məcbur olan yeganə xarici şirkət deyil. İlon Mask oktyabr ayında «Tesla» modellərinin qiymətlərini azaltmalı oldu.
Çin Sərnişin Avtomobilləri Assosiasiyasının nümayəndəsinin sözlərinə görə, yerli avtomobil istehsalçıları artıq “əzələ” nümayiş etdirir və yeni enerji mənbələri ilə avtomobillərin istehsalında texnoloji boşluğu bağladıqdan sonra, hətta həm tədarük zəncirlərində, həm də satışlarda açıq üstünlüyə malikdirlər.
