“CES 2022” konfransında “LG Display” şəffaf “OLED” panellərinin yaradılması sahəsində bir neçə özəl nümunələrini nümayiş etdirdi.
2022-ci ilin ikinci rübündən başlayaraq “LG” bütün “OLED” televizorlarını yeni nəsil “OLED.EX” ekranları ilə təchiz etmək niyyətindədir. Onlar keçən ilki həllərlə müqayisədə 30% artımla diqqət çəkirlər, eyni zamanda panelin özünün qalınlığı 6 millimetrdən 4 millimetrə endirilib.
Brend nümayəndələri bir daha vurğuladılar ki, virtual və real məkan arasındakı fərqi azaltmaq üçün şəffaf “OLED” panellərə mərc edirlər.”LG”-nin hazırkı nəsil displeyləri multimedia qabiliyyətini saxlamaqla, artıq adi şüşəni əvəz etmək iqtidarındadır.
LG Display mütəxəssisləri ticarət mərkəzləri üçün vitrinlər və ya ofislər üçün ağıllı pəncərələr kimi şəffaf panellərdən istifadə üçün bir neçə ssenari işləyib hazırlamışlar. Şirkətin orijinal dizayn siyahısına daha çox məşq təcrübəsi üçün iki şaquli əyilmiş 55 düymlük OLED panelləri olan Virtual Ride idman velosipedi də daxildir.
Şirkət həmçinin adi LCD panellərdən on dəfə tez cavab verən OLED oyun displeylərinin inkişafı ilə bağlı xəbərləri paylaşıb. Nəhayət, satıcı 17 düymlük qatlana bilən OLED noutbuk displeyini də təqdim etdi.
“LG Display” nümayəndələri qeyd ediblər ki, onlar IPS-ekranların əsas probleminin – qara dərinliyin olmamasının həlli üzərində fəal işləyirlər. “CES 2022” sərgisində təqdim olunan 27 düymlük UHD monitorda istehsalçının fikrincə, qara ilə doyma dərəcəsi əvvəllər təqdim olunan modellərdən 35% yüksək olan xüsusi IPS-matrisdən istifadə edilir. Şirkət hələlik sərbəst satışda yeni məhsulların görünmə tarixini açıqlamayıb.
