«LG» mühəndisləri «ağıllı» telefon ekranları üçün ultra nazik çevik şüşədən daha yaxşı yeni bir qoruyucu örtük hazırladılar.Şirkətin gələcəkdə kommersiya məqsədli istifadəsini təqdim edəcəyi gözlənilir.
Məlumata görə, yeni material bir şüşə örtüyün sərtliyini plastikin elastikliyi ilə birləşdirir. Yeni nəsil örtüyün qalınlığı cəmi bir neçə mikrometrdir .Materialın səthi çatlamağa meylli deyil. Xaricdən qatlanan ekranlı smartfonlar da daxil olmaqla, bu növ qorumanın işləyəcəyi gözlənilir.
Test hesabatına görə, bu qoruyucu bir ekran 200 mindən çox əyilmə əməliyyatına tab gətirə bilər.Praktikada bu təxminən beş illik istifadə deməkdir. Şirkət 2022 -ci ildə yeni örtüyün kütləvi istehsalına başlamağı planlaşdırır və perspektivli materialdan istifadə edən smartfonlar 2023 -cü ildə bazara çıxacaq. Bundan əlavə, noutbukların, eləcə də planşetlərin və digər elektron cihazların ekranları gələcəkdə oxşar qorunma əldə edə bilər.
