Sosial şəbəkələrdə «LG G6″ smartfonunun şəkilləri dərc edilib. Cənubi Koreya şirkətinin nümayəndələri smartfonun şəkillərinin planlaşdırılmış nümayişdən öncə təqdim edilməsini təsadüf adlandırıblar.»LG» nümayəndələri «LG G6» flaqman smartfonun təqdimatına hazırlaşırlar və bu istiqamətdə reklam kompaniyaları ciddi cəhtlə artırılıb. Bir sıra insayderlər isə indiyə qədər smartfonun necə görünəcəyini göstərən fotonu təqdim ediblər.
«İctinfo.az» «svopi.ru»-ya istinadən bildirir ki, Barselonada keçiriləcək MWC 2017 sərgisinin başlanılmasına saylı günlər qaldığı bir vaxtda təqdimatdan öncə smartfonun canlı görüntüləri ortaya çıxıb. Əvvəlki məlumatlara əsasən yeni flaqman, 5.7 düyüm ekrana sahib olacaq. Korpusun çərçivələri çox nazik olacaq. Bunun hesabına ekran ön panelin 90% hissəsini əhatə edəcək. Smartfonun aşağı hissə çərçivəsinin qalınlığı yuxarıdakından bir qədər qalın olacaq. Qeyd etmək lazımdır ki, «LG G6», modullu smartfon olmayacaq. Şirkət bu xüsusiyyətdən imtina etməyi qərara alıb. Korpus şüşə və metaldan hazırlanacaq Bununla yanaşı «LG G6», 3.5 mm-lik standart audiogirişi özündə qoruyacaq və sudan, tozdan qorunma xüsusiyyətinə sahib olacaq. Smartfon yeni Qualcoom Snapdragon 835 prosessoru üzərində çalışacaq. Həmçinin məlumdur ki, o, ikili arxa kamera və barmaq izi skanı ilə təchiz olunacaq.
