Şirkət “ThinkPad X1 Fold Gen 2” adı ilə gələcək yeniliyin dizaynını nümayiş etdirən reklam rolikin yayımlayıb.Qeyri-adi noutbuk öz sələfindən bir sıra xüsusiyyətlərinə görə,fərqlənəcək.
Qısa videoda ikinci nəsil ThinkPad X1 Fold-un xarici görünüşü, həmçinin onun xüsusi TrackPoint manipulyatoru ilə çıxarıla bilən klaviaturası göstərilir. Video ardıcıllığına əsasən, Lenovo orijinal versiya ilə müqayisədə cihazın dizaynında bir neçə dəyişiklik edib: displey çərçivələri daha incələşib, noutbukun menteşəsi isə ölçülərə uyğunlaşdırılmış Motorola RAZR qatlanan smartfonunun həllini xatırladır.
Noutbukun texniki xüsusiyyətləri, eləcə də təqdim olunma tarixi barədə şirkət hələlik məlumat verməyib. Onun bütün konfiqurasiyalarının vPro və EVO sertifikatlı Intel prosessorları əsasında qurulacağı gözlənilir. Cihazın qiyməti də məlum deyil.
