«Lenovo» videolara baxmaq və veb-sörfinq üçün nəzərdə tutulmuş büdcə modeli olan Tab K11 planşetini nümayiş etdirdi. Buna nail olmaq üçün cihaz 11 düymlük IPS displey və Dolby Atmos texnologiyasını dəstəkləyən dörd dinamik əldə edib.
Lenovo Tab K11 7,2 mm qalınlığında korpusda hazırlanıb və 1920×1200 piksel təsvir ölçülü 11 düymlük ekrana malikdir. Aparat platforması 4 GB RAM ilə birlikdə MediaTek Helio G88 prosessoruna əsaslanır və daxili yaddaş tutumu 64 GB-dır. Bundan əlavə, microSD yaddaş kartları üçün slot da var.
Planşetdə həmçinin Dolby Atmos ilə dörd dinamik var və displey Lenovo Tab Pen Plus stilusunu dəstəkləyir. Digər xüsusiyyətlərə 15 Vt doldurma ilə 7040 mAh batareya və 8 MP kamera daxildir. Ümumilikdə LTE ilə və yalnız Wi-Fi ilə olmaqla iki versiya var.
Yeni məhsulun qiyməti hələlik məlum deyil.
