İnnovasiya və Rəqəmsal İnkişaf Agentliyinin dəstəyi, Azərbaycan İnformasiya və Kommunikasiya Texnologiyaları Sənayesi Asossasiyasının (AİKTSA) təşəbbüsü ilə media nümayəndələri üçün “Rəqəmsal Savadlılıq” adlı layihəyə start verilib.
Bir sıra dövlət qurumlarının, eləcə də ictimaiyyət xadimləri, ekspertlər, media nümayəndələrinin iştirakı ilə keçirilən açılış mərasimində İRİA nümayəndələri Fatimə Ələkbərova və Nərmin Seyidova çıxış edərək layihənin məqsəd və missiyalarına toxunublar.
2 ay davam edəcək təlim proqramı çərçivəsində:
Rəqəmsal savadlılıq “bootcamp”ı təşkil olunaraq, tədrisə peşəkar təlimçilər və ekspertlər cəlb ediləcək;
İKT ilə bağlı məlumatların düzgün şəkildə ötürülməsi üçün jurnalistlərə nəzəri və praktiki dərslər keçiriləcək;
AİKTSA-nın mütəxəssisləri tərəfindən iştirakçıların yekun qiymətləndirilməsi aparılacaq və media nümayəndələrinə sertifikatlar təqdim olunacaq;
Layihənin əsas məqsədi jurnalistika sahəsində fəaliyyət göstərən media nümayəndələrinin İKT üzrə təhlil və analiz bacarıqlarını daha da inkişaf etdirilməsindən ibarətdir.
